 |
||||||
|
РАСТЕЖОТ НА ИРАЧКАТА ВОЗДУХОПЛОВНА МОЌ Ирачко ВВ 1931-1973 |
||||||
српска верзија |
aвтор: Игор Божиновски |
|||||
| Создавањето на ирачка држава Британците си заминуваат од Ирак Подемот и падот на ирачката воздухопловна моќ |
Британците си заминуваат од Ирак
Кратко време по завршувањето на Втората Светска војна, вниманието на светската јавност го привлекоа немирите на Блискиот Исток, каде постојаното зголемување на напнатоста помеѓу Арапите и Евреите се закануваше да прерасне во нова војна. Токму тоа и се случи на 15 мај 1948 година, само еден ден откако Евреите го прогласија Израел за независна држава.
Имено, истиот оној ден кога заврши британскиот мандат врз Палестина, малата еврејска држава се соочи со симултан напад од вооружените сили на Египет, Сирија, Трансјордан (подоцна Јордан), Либан и Ирак. За време на оваа војна, кралското ирачко воено воздухопловство во неколку наврати беше вклучено во операции за обезбедување воздушна поддршка на копнените сили на арапските “браќа”. Првата арабско-израелска војна, уште попозната како израелска војна за независност, заврши во 1949 година со триумфална победа на Израел врз своите арапски соседи.
Кратко време по завршувањето на арапско-израелскиот конфликт, Велика Британија на кралското ирачко воено
воздухопловство му испорача 55 ловци-бомбардери од типот Hawker Sea Fury FB.Mk 10. Во 1953 година, следуваше испорака на 12 млазни борбени авиони од типот De Havilland Vampire FB.Mk 52,
а во текот на наредната 1954 година, кралското ирачко воено воздухопловство беше засилено и со 15 борбени авиони од типот De Havilland Venom FB.Mk 50. Но, како и да е, растечкото незадоволство од британското воено присуство во Ирак ја принуди Велика Британија да се согласи да ги повлече од територијата на Ирак сите свои летала и, во текот на месец Април 1956 година, да му ги предаде на кралското ирачко воено воздухопловство воздухопловните бази Хабанијах и Шаибах.
Кратко време по целосното повлекување на британската армија од Ирак, Велика Британија, во текот на 1957 година, му испорача на кралското ирачко воено воздухопловство 16 современи борбени авиони од типот Hawker Hunter F.Mk 6. Дополнително, во текот на првата половина на шеесетите години на минатото столетие, британците го засилија ирачкото воено воздухопловство со повеке од 60 борбени авиони Hawker Hunter F.Mk 59/T.Mk 59, кои пред да му бидат испорачани на Ирак биле оперативни во состав на воените воздухопловства на Белгија и Холандија.
|
Бурен растеж на ирачкото воено воздухопловство
Кон крајот на педесетите години на минатото столетие, Ирак започна да ги бележи првите позабележителни успеси на полето на економскиот развој. Но, и покрај тоа, монархијата не успеа да ги придобие симпатиите на широките народни маси, кои својата светла иднина ја гледаа во новата генерација лидери, олицетворени во младите офицери на ирачката армија. Револуционерните сили, предводени од Абд ал-Карим Касим, го зазедоа главниот град Багдад на 14 јули 1958 година и истиот ден извршија егзекуција на најистакнатите членови на кралското семејство, ја укинаа монархијата и прогласија Република.
Соодветно на промените кои го зафатија
Ирак, военото воздухопловство на оваа арапска земја, веднаш по превратот, од своето име го исфрли зборот “кралско”.
12 транспортни авиони Ан-12Б, 8 хеликоптери Ми-1 и 35 хеликоптери од типот Ми-4. Испораките на советско оружје за Ирак значително ја намалија зависноста на оваа земја од Велика Британија, која во споменатиот период на ирачкото воено воздухопловство му испорачаа само 20 млазни тренажни авиони BAC.145 и 12 хеликоптери од типот WS-58.
Но, за разлика од британците, шеесетите години на минатото столетие беа исклучително успешни за
француската воздухопловна индустрија, која конечно успеа да се избори за дел од ирачкиот воен буџет. Имено, за потребите на ирачкото воено воздухопловство и на сеуште недоволно развиената авијација на копнената војска, француската воена индустрија
произведе 60 лесни повеќенаменски хеликоптери од типот SA 316 Alouete III.
Copyright © Igor Bozinovski AirSerbia 2003. |
||||
